Tussen jazz en rock - Elsa Winckler (First edition)

Hy laat haar sweet, swaar asemhaal. En dit oor sy kaal bolyf, sy blouselblou oë, sy bitter sexy boudjies ...

Sanet is bang sy sien hom weer, en bang sy sien hom nooit weer nie.

Dis wat Jak de Beer aan haar doen.

Maar sy is juis voos vir mans. Mans wat jou tap dat jy skaars kan asemhaal.

Nou sit sy met nóg ’n suurstofdief. Jak de Beer. En sy ken nie die dwingende taal wat haar lyf skielik praat nie, verstaan nie die onbeheerste tinteling vandat sy hom sien strip het nie.

Hulle is eintlik soos vet en vuur. Onversoenbaar. Maar hy maak haar mal. Sy ken haarself glad nie.