Spooksoeker - Francois Bloemhof (First edition)

WARNO ALBERTS HET NIE ’N MAKLIKE LEWE NIE – EN DIT IS NOG VOOR DIE EINTLIKE MOEILIKHEID BEGIN.

Nie net het hy ’n supergewilde ouer broer nie, hy is boonop mal oor Ziaan se meisie, Melissa. Die laaste ding wat hy nodig het, is dat hy skielik van spoke oral om hom bewus raak.

Maar dis wat gebeur. Spoke maak hulle verskyning en elkeen het sy of haar eie storie. Wat gaan aan en hoekom nóú? Hoe moet Warno homself, sy gesin en sy vriende, almal, veilig hou terwyl die gevaar al hoe dreigender word? Die spoke is allesbehalwe vreedsaam en niemand anders as Warno kan hulle sien nie, dus is hy op sy eie in die totaal nuwe omstandighede. As Warno nie versigtig is nie, gaan hy nie met sy lewe daarvan afkom nie.

Spooksoeker is ’n spannnende en aksiebelaaide boek wat gewaarborg is om lesers te laat aanhou omblaai!