Roeiers op Rugbreekrivier - Maretha Maartens

Rus en vrede bly die mens van die negentigerjare ontwyk. Van alle kante kom lewenskrisisse op ons aangejaag wat ons wil oorweldig. Hoe lank nog sal ons kop bo water kan hou terwyl ons spartel in die stormwaters van

⭐ huweliks- en middeljareversteurings
⭐ arbeidsonsekerheid
⭐ finansiële insinking en stygende pryse
⭐ droogte en ander natuurrampe, en
⭐ die geweld in ons land?

Dit het tyd geword om op te hou kyk na wat ons verloor het, sê Maretha Maartens in Roeiers op die Rugbreekrivier. En met haar voete ferm op moeder-aarde en in haar kenmerkende tong-in-die-kies-styl wys sy die leser, aan die hand van die Skrif, dat daar tog iets—nee, heelwat!—oorgebly het, en hoe dit gebruik kan word om in dié onseker tye oorwinning te kan leef!