Pot-pourri - Margaret Roberts

Margaret Roberts het geen bekendstelling nodig by tuiniers en kruiegeesdriftiges nie. Haar deskundige raad oor die kweek van kruie en hulle talle gebruike word deur ’n ider en ’n elk hoog aangeslaan.

Pot-pourri verstrek al die inligting wat ’n mens nodig het om self hierdie sjarmante geurmengsels te berei. Die boekie bevat ‘n aantal resepte waarvan die bestanddele wat gebruik word maklik in Suid-Afrika bekombaar is. Al die mengsels het ’n heerlike geur en baie van hulle het boonop praktiese gebruike - van ’n mengsel om vlooie van die hond af weg te hou tot om ’n mens rustig te laat slaap, Margaret Roberts gee raad oor hoe om olies en setmiddels te maak en te gebruik en vertel stapsgewys hoe om die bestanddele in te samel en te droog. Die boek bevat ook ’n lys van die kruie en blomme, bome, struike en rankplante wat vir die maak van pot-pourri geskik is.