Plaasmoord - Karin Brynard

Plaasmoorde het nooit juis vastrapplek gekry in die ylbevolkte Noord-Kaap nie – maar dan word die drie en dertigjarige opkomende skilder Freddie Swarts en haar aangenome dogter aaklig vermoor.

Speurder-inspekteur Albertus Beeslaar, pas uit Johannesburg verplaas om 'n nuwe veediefstal-eenheid op die been te bring, moet die hoëprofiel-plaasmoord oplos. Maar sy grootste stryd is waarskynlik teen homself – hy's net nie meer die gatskop-polisieman van vroeër nie.

Kort voor lank word Beeslaar en die vermoorde vrou se suster, Saar, ingetrek by bisarre gebeure soos die moord op 'n bobbejaan, 'n veediefstal-sindikaat wat sangomas inspan, 'n groep boere-vigilantes wat oorlog verklaar teen die geweld in die land ...

En uiteindelik nóg 'n moord.