Nooit is ’n lang, lang tyd - Anchien Troskie

Drie vriendinne gaan hou saam vakansie langs die see. En in ’n oogwink verander ’n jare lange standvastige vriendskap in ’n stormagtige moeras. Daleen skraap eindelik die moed bymekaar om die waarheid omtrent haar en haar lover, Jan, se verhouding te vertel; Amelia praat laat een aand haar mond verby oor haar affair met ’n getroude man; en Karien – Karien pak haar goed en gaan vroeër terug huis toe. Want hoe kon haar twee beste vriendinne haar soveel jare lăng ’n rat voor die oë draai?

Dis ’n boek oor vriendskap, oor leuens, geheime, kinders, kilojoules en mans. ’n Meesleurende roman deur die skrywer van Dis ek, Anna – ’n skrywer van wie ons nog baie gaan hoor.