My voet in ’n visblik: ’n Stoutobiografie deur Fanus Rautenbach (First edition)

Uitgewer: „Wie gaan die flapteks vir die boek skryf?”

Fanus: „Dis mos die uitgewer se werk.”

Uitgewer: „Vir Fanus se Grapboek het jy dit geskryf.”

Fanus: „Ja, maar ek gaan nie elke keer jou werk doen nie. Is dit juis nodig dat ons ’n flapteks moet hê?”

Uitgewer: „Ons moet jou darem adverteer.”

Fanus: „Die hele boek is ’n advertensie vir my. Ons hoef nie nog die flapteks ook daarvoor te gebruik nie.”

Uitgewer: „Maar ons moet ’n flapteks hê.”

Fanus: „Ek sal jou sê: volgende keer skryf ek die flapteks, dan skryf jy die boek.”