Metronoom III - Terblance Jordaan (First edition)

Ek het geleer dat jy nie jou mind kan change deur jou omstandighede te verander nie, maar jy kan wel jou omstandighede verander deur jou mind te change. En as jy dit eers kan doen, het jy die sleutel gevind tot die krag van verandering en aanvaarding.

Terblanche Jordaan se Metronoom III, die derde keur uit sy gewilde JongBurger-rubrieke, inspireer die leser nogmaals met sy “vrae en bepeinsinge uit JB”.

Dit gee ons ’n wyer perspektief op ons elkedagse lief en leed, dit praat van die belangrikheid van besluite en die verantwoordelikheid van keuses; dit beklemtoon die noodsaaklikheid van vrese en die waarde van pyn en ontnugteringe; dit vier die onver­skrok­kenheid van die liefde...

Terblanche se styl is luimig, soms ernstig, dikwels omstrede, nooit vervelig nie. En altyd laat hy jou met iets om oor na te dink, ’n gedagte vir die lewenspad om aan te kou en te herkou. Want, soos hy in sy Voorwoord sê, ons is almal reisigers op ’n spirituele pad.

Terblanche Jordaan is ’n bekende teoloog, openbare spreker, skrywer en dramaturg van Kaapstad.