Klein kook en geniet - S.J.A. de Villiers en Eunice van der Berg

’n eg Afrikaanse kookboek vir beginners van alle ouderdomme!

Dit is 20 jaar sedert Ina de Villiers en haar dogter Eunice saamgespan het om hierdie “kleinsus” vir die alombekende Kook en Geniet te skep. Vandag is die praktiese kookgids steeds ideaal vir elkeen wat begin kook en bak. Dit bevat meer as 60 smulresepte vir jonk en oud, elkeen spesiaal uitgesoek en deeglik getoets deur hierdie gedugte ma-en-dogter-span.

Elke metode word stap vir stap verduidelik aan die hand van duidelike kleurillustrasies, en leer jou:

• Hoe om ’n resep te gebruik

• Hoe om te meet

• Wat kookterme beteken

• Hoe om basiese kombuisgereedskap te gebruik

Hierdie mini-kursus in basiese kookvernuf leer jou op ’n lekker plesierige manier kosmaak – en as jy eers weet hoe, gebruik jy dieselfde metodes kan gebruik om uit enige resepteboek te kook!