Kaalvoet Katryntjie - Ena Murray

Festus Dumas kon sy oë nie glo nie: net die seuntjie se rooi hare — ’n skynsel van blond in die dogtertjie se poniestert, en die blou oë in die pikswart gesiggies, het die kinders se afkoms bevestig. Katryntjie en Poens het die varkhokke skoonge­maak en het oor hulle voorkoms praat, het Poens gesê: “Weet jy nie dat ’n b . . . varkhok stink nie?”

So het Festus vir Katryntjie ontmoet en haar vir ’n dogtertjie aangesien, hoewel sy ’n twintigerjarige verpleegster was, want haar pa het hom gevra om na sy “ou dogtertjie” om te sien wanneer hy te sterwe kom.

Festus het die kind saamgeneem na sy huis toe, maar sy het daarop aangedring dat Poens ook moes saam — en sy het behoorlik daarin geslaag om ’n nuwe wêreld vir haar mak plaasdiere saam te “smokkel”! In die stad het hy vir haar geld gegee om klere te koop, maar toe koop sy ’n mishandelde donkie en kom met hom by Festus se deftige kantoor aan...

Shirley en Zelda het nie van die onopgevoede kinders in Festus se huis gehou nie en die vonke het gou-gou gespat, maar eers toe Katryntjie en Poens in doodsgevaar verkeer het, het Festus besef wat hulle werklik vir hom beteken...

Kaalvoet Katryntjie deur Ena Murray is ’n humoristiese liefdesverhaal vol sprankel. Dis ook ’n verhaal wat diep aangryp — ’n waardige keuse vir J.P. van der Walt se Romankeur.