Hierdie lewe - Karel Schoeman (First edition; Stemme 2)

In Hierdie lewe het Karel Schoeman weer eens die Suid-Afrikaanse verlede as tema vir ’n roman gebruik, en die toneel is die Roggeveld, ’n streek wat tot dusver min aandag in die Suid-Afrikaanse letterkunde ontvang het.

In die verhaal van vier generasies van ’n enkele blanke boeregesin oor ’n tydperk van byna ’n honderd jaar word die wese van die omwenteling weergegee wat in die loop van die negentiende eeu op die Suid-Afrikaanse platteland en in die Afrikaner-samelewing voltrek is.

Hierdie lewe is die eerste titel wat verskyn in ’n beplande groep van drie romans onder die algemene naam Stemme.