Fanus se grapboek: Sêboek vir alle geleenthede (Fanus Rautenbach)

Fanus Rautenbach is in Lichtenburg gebore – seker maar omdat hy op daardie dag naby sy ma wou gewees het. Hy is gebore op 23 September 1928. Fanus sê hy weet dit was ’n Sondag, want sy ma het nie in die week tyd gehad nie.

Hy maak Matriek aan die Hoër Seunskool Helpmekaar en verwerf die B.A.-graad (met H.O.D.) aan die Pretoriase Universiteit. Nadat hy eers skoolgehou het, word hy ’n omroeper by die S.A.U.K. U sal die boek baie nuttig vind wanneer u toesprake moet hou of seremoniemeester moet speel, want die inhoud is alfabeties gerangskik en daar is ’n register. Dis ook ’n lekker boek om sommer maar net te lees. U mag ook die grappies vryelik oortel – net nie aan Fanus nie, want hy het hulle almal al gehoor.