Dwaalpoort - Alexander Strachan (First edition)

Die familieplaas Dwaalpoort het die afgelope paar jaar verander.

Die ou doringdraadheinings is afgebreek en deur wildheinings vervang; pleks van die geklap van swepe en die bulk van beeste word die gestotter van ’n wildvanger se helikopter nou heeldag gehoor. Al wat nog onaangeraak bly, is die plaas se trop wit hartbeeste en sy magiese leier, Mhlophe. Voorlopig. Want op die horison hang daar elke dag die rookwolke van veldbrande, en in die gemoedere van Dwaalpoort se mense groei die onrus.

Wanneer ’n middeljarige man en sy veel jonger vrou op die plaaswerf stilhou, breek ’n naweek aan waarin al die sluimeringe op die spits gedryf word. Die besoekers is daar vir ’n jagsafari, maar wanneer dit blyk dat die man eintlik op soek is na die elikser wat sy tanende libido sal laat herleef, is dit asof sy desperate missie almal op die plaas saamhok op die drumpel van ’n beslissende oorgang.