Die vrolike lied - Audrey Blignaut

Audrey Bettie Blignault is op Bredasdorp gebore en het die hele tydperk van haar kinderdae daar deurgebring. Sy studeer ses jaar lank aan die Universiteit van Stellenbosch waar sy die graad M.A. in Nederlands-Afrikaans behaal, die eksamen vir die Sekondêre Onderwysdiploma suksesvol aflê en ’n tweetalige onderwyserskursus in voordrag en toneelkuns volg. Hier dien sy in die redaksie van Die Stellenbosse Student.

Sy is elf jaar lank redaktrise van die weekblad Die Huisvrou en maak terselfdertyd ’n begin met spesiale radioprogramme vir vroue oor die Afrikaanse sender van die S.A.U.K. Van 1946 tot 1952 is sy organiseerster van Vrouerubriek vir die Afrikaanse program in Kaapstad. Vanaf 1955 was sy eers in die redaksie van Naweekpos, en later verbonde aan Sarie Marais.

Haar eerste bundel essays In Klein Maat het in 1955 verskyn. Sedertdien het nog sewe bundels van haar verskyn, t.w. Die Vrolike Lied (1957), Met Ligter Tred (1962), Die Blye Dae (1965), Die Plesierboom (1967), Om die Son te Aanskou (1968), Die Verlange loop Ver (1969) en Die Rooi Granaat (1970).