Die twee lampe - Uys Krige

Uys Krige het Die Twee Lampe in 1948 geskryf. In 1975 is egter 'n heeltemal hersiene weergawe van die drama uitgegee.

Uys Krige het ook self die stuk in Engels vertaal as The Two Lamps en dit is in 1962 in Kaapstad en Stellenbosch opgevoer. In Maart 1963 het The Two Lamps een van die twee Rosamund Gilder-toekennings vir toneelstukke uit Afrika ontvang. Hierdie kompetisie is geborg deur die Maine Masque Theatre van die Universiteit van Maine, die Institute for Advanced Studies in the Theatre Arts, New York, en die United States National Commission for Unesco. Die beoordelaars het ingesluit prof. Robert Corrigan, hoofredakteur van die teaterblad The Tulane Drama Review, New Orleans, en die bekende Amerikaanse regisseur Mordecai Gorelik.