Die spookjagters - Emily Pieterse

Paul en Mossie, twee stadskinders, verhuis saam met hul ouers na Paradys, hulle pa se erfplaas in die Bosveld. Hulle maak sommer gou maats met die kinders van die buurplaas, Carmie en Alwyn, wat onderneem om van die twee stadsjapies regte ‘Boslansers’ te maak.

Die opgewondenheid oor die nuwe lewe word ongelukkig ietwat gedemp deur gerugte oor spoke in Paradys se familiebegraafplaas. Omdat die kinders vrees dat dié stories hul ouers sal laat afsien van hul plan om hulle op die plaas te vestig, besluit hulle om ’n nag in die begraafplaas deur te bring om die spook te probeer oorreed om tot rus te kom...