Die reën kom nie maklik nie: Stories van agter die Soutpansberg - Ina le Roux

Vanuit die songebleikte Verre Noorde agter die Soutpansberg, die land van kremetarte en min water, klink die stem van Piet Mavhetha wat met patos en humor die storie vertel van sy lewe en dié van die mense en sy gemeente op Folovhodwe. Só lig is sy aanslag dat die leser eers gaandeweg begin raak sien die storie vertel van oer-Afrika waar die waarde van 'n vrou en dié van 'n bok soms op dieselfde vlak lê, en waar daar nie helde is nie omdat die heroïsme in oorlewing lê.

So outentiek is hierdie stem dat die leser kwalik kan glo dat daar 'n skeppende en herskeppende verteller, anders as Piet Mavhetha, aan die woord is.

Hierdie uitgawe van Ina le Roux se bundel So lief as wat daardie hoender vir 'n skoot is sluit twee nuwe stories in.