Die mooiste Afrikaanse sprokies - Pieter W. Grobbelaar en Séan Verster

Die mooiste Afrikaanse sprokies, vir die eerste keer in 1968 uitgegee, met herdrukke in 1984 en 1993, spog nou met ’n splinternuwe baadjie.

Hierdie verhale het deur die jare gewild en bemind gebly as deel van die rykdom van Afrikaanse volksvertellings wat, benewens nuutskeppinge, geleen het van die Wes-Europese kultuur, die Oosterse kulture en die res van Afrika. Baie van die Oosterse invloed het uit die geledere van die Kaapse Maleiers gekom en die Afrika-invloed van die San- en Koiokl en verskeie swart stamme.

In hierdie bundel vind ons die immer-geliefde Jakkals-en-Wolf-stories, Hasie Kalbassie, Brommer en By, Tyl Uilspieël, wat dit so geniet om menslike swakhede aan die kaak te stel, en talle ander.

Stories vol sprankel en humor, wat oud en jonk baie plesier sal verskaf – deur baas-verteller Pieter W. Grobbelaar, kenner op die gebied van die Afrikaanse volkverhaal. Die uitgebreide illustrasies deur Séan Verster dra uitstekend by tot die vermaaklike aspek van die verhale.