Die kremetartekspedisie - Wilma Stockenström (First edition)

Met hierdie novelle maak Wilma Stockenström vir die Afrikaanse prosa deure oop wat amper permanent gesluit was, want dit beweeg terug na die sg. "poëtiese prosa wat ná D.F. Malherbe en C.M. van den Heever verdag geraak het. 

Die kremetartekspedisie is ’n voortreflike novelle, met van die mees "poëtiese" intensiteit in ons jonger Afrikaanse prosa.

Die dubbele verhaalstroom word hier op merkwaardige wyse aangewend - die een ’n weergawe van die verteller, ’n ou slavin, se lewensreis wat uitloop op die kremetart wat nou haar tuiste is; die ander ’n gedagtereis waarvan die kremetart die beginpunt is. En tussen die twee "rame" onstaan heelwat dramatiese spanning, wat o.m. die werk stempel as een van die boeiendste ontginnings van die rol van die verteller in Afrikaans. 

Hierdie werk is iets unieks in Afrikaans en bevat sekerlik van die skryfster se suiwerste en kragtigste prosa tot dusver. 

Die kremetartekspedisie is Wilma Stockenström se derde bydrae op die gebied van Afrikaanse prosa.