Belemmering - Lettie Viljoen (First edition)

Belemmering is Lettie Viljoen, skrywer van Klaaglied vir Koos (1984) en Erf (1986), se eerste omvangryke prosawerk. Soos in Viljoen se vorige boeke, gaan dit in hierdie roman om die weerstande wat die mens/die Afrikaner in sy of haar verhouding tot die verlede en omgewing beleef. In Hanna se ervarings met die kind, met haar ouers en met Henrik, en in die gesprekke van ’n groep mans op ’n berg tydens ’n geheimsinnige sending, sien ons mense vasgevang in situasies wat hulle nie onder beheer kan kry nie. Belemmering is ’n meesterstuk van intense, brandskerpe waarneming van onder andere die natuur as ’n verruklike, kwellende aanwesigheid. Om te verduidelik wat die landskap beloof het, moet ’n mens dronkenskap hê in die keuse van woorde. ’n Volheid. En daarmee saam, die ontgogeling.