As die suidewind waai - Ettie Bierman

Helen Vermaak, toerleier vir Suidewind Safari's, en die aantreklike vlieënier, Louw Duvenhage, is verloof en albei sien reikhalsend uit na hulle troudag. 

Helen skilder in haar vrye tyd en dis vir haar ’n verrassing dat Adriaan Karsten, ’n bekende Suid-Afrikaanse kunstenaar, een van die gaste is tydens ’n Bosveld-toer. Aanvanklik spat die vonke tussen haar en Adriaan, maar later ontdek hulle dat hulle geesgenote is. Wanneer Louw die ander toerlede op jagtogte neem, bly hulle agter - Adriaan om te skilder en Helen om administratiewe pligte na te kom. Hulle gesels oor alles...kuns, inspirasie en tegnieke, en hulle word beste vriende.

Maar skielik voel Helen verward. Het sy nie dalk te gou verloof geraak nie? Sy en Louw is voortdurend in mekaar se hare, maar Adriaan verstaan haar...