Al wat ek weet - Marita van der Vyver (First edition)

JY SÊ NOU MAAR HOEKOM IS EK SO KWAAD?

EK SÊ EK WIL NIE DAAROOR PRAAT NIE. DIS TE LAAT.

Gabriel is woedend.
Vir sy ma, omdat sy doodgegaan het.
Vir sy pa, omdat die ongeluk sy skuld was.
Vir homself, omdat hy niks kon doen om dit te keer nie.
En sommer vir die heelal wat toelaat dat sulke dinge gebeur.

Die sielkundige wil hê hy moet oor sy hartseer skryf, vertel wat daardie dag gebeur het. Maar al wat hy weet om te skryf, is rap-lirieke om sy woede in woorde om te sit. Al weet hy nie of hy ooit weer die moed sal hê om op ’n verhoog te klim en sy woorde met mense te deel nie.

Maar dan ontmoet hy vir Sasha, die beeldskone Sneeuwitjie wat hom probeer oorreed om weer voor ’n gehoor op te tree.

Sasha wat teen haar eie donker geheim stry …